- Tíðindi, mentan og ítróttur
Ætlar at lóggeva undantøk í Almannaverkinum
- Tað ber ikki til at sita hendur í favn, tá stjórin í Almannaverkinum sigur, at nú kann at standa um lív hjá teimum, sum eru á bústovnum undir Almannaverkinum.
Tað sigur Helgi Abrahamsen, landsstýrismaður í arbeiðsmarknaðarmálum, sum hevur gjørt eitt uppskot um at lóggeva um undantøk fyri starvsfólk í Almannaverkinum, tá verkfall er.
Uppskotið steðgar ikki verkfallinum, men snýr seg bara um undantøk.
Uppskotið er klárt at leggja fyri tingið, men ivasamt er, um nóg stór undirtøka verður fyri at víkja frá tíðarfreistunum, so uppskotið kann avgreiðast skjótast til ber.
Til tess er neyðugt við atkvøðum úr andstøðuflokkununum, og sum skilst tekur andstøðan ikki undir við tí.
Hoyr samrøðu, sum Sigrún Brend gjørdi við Helga Abrahamsen í útvarpstíðindunum.
Tak niður
Sí eisini