Nú er aftur loyvt at skjóta grágæs

Um tú sært grágæs á veltum lendi, so er aftur loyvt at skjóta grágæs.

Men tað er ikki bara at fara við byrsuni.

Umhvørvis- og Vinnumálaráðið hevur lagt heimildina at geva loyvi til at skjóta til Búnaðarstovuna at umsita.

Og Búnaðarstovan hevur gjørt umsóknarbløð, leiðbeining og kunningartilfar, sum eru á heimasíðuni hjá stovninum.

Øll villgásasløg eru friðað í Føroyum.

Talan er tí um undantaksloyvi til at skjóta grágás í veltum lendi. 

Loyvi at skjóta grágás kann vara til ársenda 2025.

Men treytin er tá, at Búnaðarstovan fær at vita um skotnar gæs hvørt ár. Annars fellir loyvið burtur.

Búnaðarstovan hevur fingið fuglaserkøna Silas Olofson at gera eitt upprit um tey gásasløg, sum eru í veltum lendi í Føroyum.

Sambært tí kann eingin ivast í, hvussu grágás kennist frá øðrum gásasløgum.