Heimsheilsustovnurin stúrir fyri Delta-frábrigdinum

Heimsheilsustovnurin WHO stúrir fyri smittugongdini nú delta-frábrigdið av koronu hevur breitt seg til umleið 100 lond.

Tað skrivar The Guardian.

Aðalskrivarin í WHO, Tedros Adhanom Ghebreyesus sigur við blaðið, at smittugongdin elvir til stúran, tá tað gongur so seint at fáa koppingarevnið býtt út til øll lond í heiminum.

- Vit mugu steðga hesum virusinum í at breiða og menna seg, og tí eri eg bangin um at so fáir skamtar av koppingarevnum koma til fátøku londini.

- Tað kann elva til eitt nýtt frábrigdið sum kann gerast uppaftur torførari at basa, sigur Ghebreyesus við The Guardian.

Hetta kemur samstundis, sum fleiri finnast at londum í vesturheiminum, sum nú fara undir at koppseta børn, meðan onnur lond bert hava koppsett lítlan part av íbúgvunum.