Vinnunevndi hevur kallað Vestergaard í samráð um makrelin

Vinnunevndin hjá løgtinginum hevur kallað Jacob Vestergaard, landsstýrismann, í samráð um makrelfiskiskapin í ár.

Samráðið verður fyrrapartin í morgin.

Talan er um, at uppsjóvarskip taka makrel frá øðrum skipum.

Ikki loyvt

Tað er ikki loyvt, men nú er undantak givið. Tað er tó bara galdandi í føroyskum sjógvi.

Skip hava kortini tikið makrel frá øðrum skipum í altjóða sjógvi.

Tað er ikki loyvt, men tað verður loyvt. Undantakið er á veg, sigur Jacob Vestergaard, landsstýrismaður. 

Sektaruppskotið, sum Gøtunes fyri einum mánað síðani fekk fyri lata Finni Fríða makrel, varð ikki góðkent. Tað er sent fútanum.

Hetta var, áðrenn undantaksloyvi varð givið.