Soltin januar mánaður merktist í Klaksvík

Klaksvíkar kommuna fekk meir enn 2,3 milliónir krónur minni inn í skatti fyrra hálvár í ár samanborið við fyrra hálvár í fjør.

Minkingin svarar til 2,07 prosent.

Serliga januar mánaður var soltin.

Karl Johansen, borgarstjóri í Klaksvíkar kommunu sigur, at kommunan hevur nógvar dýrar verkætlanir í gongd í løtuni, og at tað kann gerast neyðugt at bíða við onkrum av teimum, um skattainntøkurnar ikki fara at halda mát restina av árinum.

Karl Johansen vónar kortini, at kommunan fer at fáa fleiri skattainntøkur, nú arbeiðið við tunlunum Norður um Fjall fer í gongd, og at økta makrelkvotan eisini fer at gagna kommununi, nú uppsjóvarskipini fara til verka aftur.

HOYR SAMRØÐUNA VIÐ BORGARSTJÓRAN.
.