Skaðanevndin liðug at kanna Eivind

Danska skaðanevndin er liðug at kannað málið, tá línuskipið Eivind mánadagin fór á land á Flesjunum. Men niðurstøðan kemur ikki fyrr enn um tveir mánaðir.

Skaðanevndin hevur tosað við manningina, reiðaran, MRCC, Sjóvinnustýrið og onnur. Harumframt eru sjálvi siglingarviðurskiftini kring Flesjarnar kannað.

Av tí, at danska skaðanevndin hevur nógv at gera, verður niðurstøðan ikki latin Sjóvinnustýrinum fyrr enn um einar tveir mánaðir.

Skaðanevndin hevur eisini kannað, um manningartalið umborð var tað rætta í mun til krøvini, tá óhappið hendi. Kravið til minstumanning er seks mans. Verður komið til ta niðurstøðu, at manningartalið ikki var tað rætta, so KANN málið verða lagt fyri rættin.

Sjóvinnustýrið hevur ikki rætt at útskriva fyrisitingarligar bøtur, tí skulu øll mál víðvíkjandi møguligum brotum leggjast fyri rættarskipanina.