Eingin ætlan at loyva trolveiðu á Føroyabanka

Eingin ítøkilig ætlan er at geva trolarunum betri trolleiðir á djúparu leiðunum á eystara kanti av Føroyabanka.

Jacob Vestergaard, landsstýrismaður í fiskivinnumálum, hevur svarað fyrispurningi frá Jóhannisi Joensen, løgtingsmanni.

Jacob Vestergaard sigur, at hann er altíð opin fyri at gera broytingar, ið kunnu betra veiðimøguleikarnar hjá fiskiflotanum sum heild.

Ein treyt fyri fyri at gera slíkar broytingar, er m.a., at broytingarnar verða skipaðar sum burðardyggur fiskiskapur, eins og tær verða viðgjørdar í eini heildarmeting, sum fevnir um allar vinnubólkar í fiskiskapinum, sigur landsstýrismaðurin.

Eystari kantur av Føroyabanka hevur verið friðaður part av árinum síðani mars 1993.