Koppseting í Runavík

Týsdagin í næstu viku verður koppseting í skótahúsinum í Runavík. 

Koppsetingin verður millum kl.16.00 og 18.00 og talan er um støkk inn koppseting.

Neyðugt er tí ikki at bíleggja tíð.

Havast skal í huga, at 21 dagar skulu vera millum fyrra og seinna prikið.

Tey ungu krevja loyvi

Onkur, sum hevur foreldramyndugleika, skal játta, at 12, 13 ella 14 ára gomul kunnu koppsetast og vera hjástaddur, tá koppsetingin er. 

Hetta er tó ikki neyðugt í sambandi við seinna prikið, um foreldramyndugleikin hevur givið loyvi til bæði prikini.
 
Klaksvíkar Sjúkrahús og Runavíkar kommuna standa fyri átakinum týsdagin seinnapartin.