Fólkatingið lóggevur sjúkrarøktarfrøðingar til arbeiðis

Fólkatingið hevur samtykt at leggja upp í verkfallið hjá sjúkrarøktarfrøðingunum í Danmark, sum nú hevur vart í níggju vikur. 

Sjúkrarøktarfrøðingarnir fara aftur til arbeiðis í morgin.

Sosialdemokratiski stjórnarflokkurin, Radikali flokkurin, Konservativi flokkurin, Vinstri, Nýggju borgarligu og Liberal Alliance atkvøddu fyri at gera semingsuppskotið, sum sjúkrarøktarfrøðingarnir vrakaðu, til lóg.

Tað ber í sær, at sjúkrarøktarfrøðingarnir næstu trý árini fáa tilsamans fimm prosent í lønarhækking.

Fólkatingið hevur eisini samtykt, at setast skal ein nevnd at viðgera lønarlagið í almenna geiranum.