Nú kemur tilboðið um endur- og viðlíkahaldsvenjing

Tilboðið um eitt nú viðlíkahaldsvenjing hevur higartil verið avmarkað. Men tað verður nú broytt.

1. september kemur ein nýggj kunngerð um endurvenjing og viðlíkahaldsvenjing í Almannaverkinum í gildi. 

Tað merkir, at tey, ið hava tørv á tí, kunnu fáa tilboð um endurvenjing ella viðlíkahaldsvenjing. Tilboðið verður grundað á eina fakliga meting hjá Almannaverkinum.

Viðlíkahaldsvenjingin er málrættað venjing fyri at fyribyrgja førleikamissi, fasthalda ella bøta um verandi førleikar ella fyri at seinka sjúkugongdini.

Edvard Heen, stjóri í Almannaverkinum, var gestur í sjónvarpsstovuni.