61 kirkjuráð skulu mannast

Týsdagin 2. november er kirkjuráðsval í øllum kirkjusóknum, ið eru meira enn 499 fólk. 

Valið skal eisini verða, hóast bara ein listi verður gjørdur, sigur skipanin.

Listarnir við valevnum skulu vera formanninum í valstýrinum í hendi í seinasta lagi mánadagin 20. september.

Í mesta lagi níggju nøvn fleiri enn tey, ið veljast kunnu í kirkjuráðið, kunnu vera á sama lista.

Í minsta lagi trý og í mesta lagi 25 kunnu skriva undir sum stillarar á sama lista, og valevnini og stillararnir skulu hoyra til kirkjusóknina.

61 kirkjuráð
Kirkuráðsval er fjórða hvørt ár.

Kirkjuráðini skulu saman við sóknarprestinum taka sær av kirkjuni sum bygningi og virka fyri tí kirkjuliga lívinum í sóknini.

61 kirkjuráð eru í Føroyum.