S&K-felagið eitur nú Samverk

S&K-felagið hevur broytt navn til Samverk.

Felagið sigur í tíðindaskrivi, at gamla heitið var ikki nøktandi longur. Tað var stytting fyri Skrivstovu- og Krambafólk, men í dag umboðar felagið eisini fleiri aðrar fakbólkar, og í nýggja navninum kunnu allir limir kenna seg aftur, sigur Samverk.

Navnið Samverk hevur tveir týdningar. Tað merkir bæði samarbeiði og tann mun, sum samarbeiði skapar, sigur felagið.

S&K- felagið var stovnað í 1940, og tað var virkið til 1945. Í 1973 var felagið endurstovnað.

Í løtuni eru fleiri enn 1400 limir í Samverki. Yngsti limurin er 12 ár, og tann elsti er væl oman fyri pensjónsaldur.

Samverk, búmerkið hjá Samverki