Bensinprísir: Føroyar eru nummar 17

17 lond í Evropa hava dýrari bensin enn Føroyar.

Ein kanning, sum íslendski orkustovnurin gjørdi um bensinprísin í Íslandi og í ES londunum í august, vísir, at Niðurlond høvdu dýrasta bensinið. Tað kostaði 1,85 evrur fyri liturin. 

Finnland var nummar tvey. Har kostaði liturin 1,71 evrur.

Danmark var nummar fýra og Ísland nummar seks. Har kostaði liturin ávikavist 1,68 evrur og 1,65 evrur.

Í Føroyum kostaði bensinið í miðal 1,35 evrur í august.

Føroyar eru tí nummar 17, millum Luxemburg og Malta.

Bíligast í Bulgaria

Bíligasta bensinið í ES var, sambært íslendsku kanningini, í Bulgaria. Har kostaði liturin 1,13 evrur.

Talan er um 95 oktan bensin við avgjøldum.

Størstu avgjøldini eru í Íslandi, 0,744 evrur fyri liturin.

Danmark er her nummar tvey við 0,714 evrum í avgjøldum fyri bensinliturin.

Í Føroyum eru avgjøldini 0,600 evrur.