Flogvanlukka í Milano kravdi átta mannalív

Eitt privatflogfar við átta fólkum datt niður í Milano í Norðuritalia í gjár. Øll, sum vóru við, lótu lív, skrivar BBC.

Flogfarið, sum var á veg til oynna Sardinia, datt niður á ein skrivstovubygning beint eftir, at tað var farið á flog av flogvøllinum, Linate, í Milano. 

68 ára gamli ríkmaðurin, Dan Petrescu, var flogskipari. Petrescu, kona hansara og sonur teirra doyðu í flogvanlukkuni, vita italskir miðlar at siga.

Tá flogfarið datt niður, kom eldur í skrivstovubygningin og í fleiri bilar nærindis. 

Nú verður kannað, hví flogflogfarið datt niður.