Selja 22,5 tons av ull

Búnaðarstovan selur nú ullina, sum hon fekk í summar.

Talan er um 22,5 tons.

Nógv tað mesta, okkurt um 20 tons, er fyrsti flokkur.

Ullin er í seks náttúrulitum. Tað mesta er hvítt. Hálvt triðja tons eru annar flokkur. Tann ullin er ikki skild í litir.

Ullin verður seld í ballum, sum viga 250 kg.

Ullin verður seld sambært skrivligum, bindandi boði, sum skal latast Búnaðarstovuni í seinasta lagi 20.oktober.

Búnaðarstovan miðar eftir einum minstaprísi, sum er 8,00 kr. fyri kilo í fyrsta flokki og 2,00 kr. fyri kilo í øðrum flokki, umframt meirvirðisgjald.