16 ára fongsul fyri dráp í Íslandi

Rætturin í Reykjavík hevur dømt ein mann 16 ára fongsul fyri dráp. Ákæruvaldið kravdi 20 ár.

Angjelin Sterkaj er dømdur fyri at hava dripið Armando Beqirai í Rauðagerði í februar í fjør.

Trý onnur fólk, sum vóru ákærd í málinum, eru fríkend.

Neyvt lagt til rættis

Ákærin sigur, at drápið var neyvt lagt til rættis, men dømdi maðurin segði, at hann hevði framt drápið í sjálvverju. 

Drápið í Rauðagerði er millum størstu drápskanningarmál, sum nakrantíð hava verið í Íslandi, skrivar íslendska kringvarpið. 

Eitt skifti sótu níggju fólk í varðhaldi, og 14 vóru ákærd í málinum.