Lønardeildin og bioanalytikarar fáa semingsuppskot í dag

Á middegi í dag verður semingsuppskot lagt fyri Lønardeildina og Bioanalytikarafelagið, sum samráðast um sáttmála fyri tann, sum var til 1.oktober í fjør.

Tey skulu svara klokkan fýra seinnapartin.

Stívliga 40 limir eru í Bioanalytikarafelagnum. 

Hetta er fyrsta semingsuppskotið í nýggja skeiðinum hjá Semingsstovninum.

Og hetta er eisini fyrsta semingsuppskotið hjá Fróða Sivertsen, sum nú er semingsmaður saman við Terja Siguðsson.