Aleqa Hammond er aftur í Siumut

Aleqa Hammond er komin aftur í flokkin Siumut, haðani hon varð koyrd í 2016.

Formaðurin í Siumut bað sjálvur Alequ Hammond um at koma aftur. Floksleiðslan tók einmælt undir við tí.

Aleqa Hammond noyddist frá sum forkvinna í landsstýrinum í 2014.

Brúkt almennar pengar til egna nýtslu

Undan kavi kom, at hon hevði brúkt góðar 100.000 kr. úr landskassanum til egna nýtslu, so sum flogferðaseðlar, gistingarhús og matstovur.

Hon varð koyrd úr Siumut í 2016, tí hon misbrúkti kredittkortið, sum hon fekk frá fólkatinginum.

Aleqa Hammond stovnaði flokkin Nunatta Qitornai, men hann fekk ongan sess á valinum í apríl.

Nú er Aleqa Hammond aftur í Siumut.