Dust elvdi til falska fráboðan

Ov nógv dust á ovasta lofti hevði í morgun við sær, at roykvarnarin á Vinnuháskúlanum fór í gongd, og fólk máttu fáast út í skundi.

Klokkan ein minutt yvir 10 fekk sløkkiliðið fráboðan um eld á skúlanum og fór at kanna um eldur var í. 

Alt gekk rætt fyri seg, tá ið skipað varð fyri, at næmingar og lærarar komu út, og alt gekk væl, sigur átaksleiðari, sum var á staðnum.

Eingin eldur var. Orsøkin til alarmin var, at ov nógv dust hevði lagt seg á ein roykvarnara á ovasta lofti. 

Klokkan 10.25 vóru næmingar og lærarar aftur í skúlahølunum.