Koronudeildin heldur fram

65 nýggir tilburðir av koronu eru skrásettir í dag frá kanningunum í gjár, og í løtuni eru fimm fólk innløgd við koronu. Í løtuni er ein nýføðingur innlagdur við koronu, hinir sjúklingarnir eru eldri fólk, upp til 90 ára aldur. Eingin teirra hevur tørv á respirator.

Nógva koronusmittan hevur við sær, at koronudeildin á Landssjúkrahúsinum kortini ikki verður niðurløgd.

Fyrr í dag kom fram, at fútin og landslæknin hava heitt á Den Nationale Operative Stab um at koma til Føroya at hjálpa við smittusporanini. Nationale Operative Stab ella NOST er tann stóri krepputilbúgvinarbólkurin hjá dønum.