Kommunan eigur sjálv at seta tiltøk í verk

01.11.2021 - 13:40

Innlendis›Heilsa

Minnilutin í Klaksvíkar býráð hevur sent borgarstjóranum áheitan í sambandi við koronustøðuna

Aktivera javascript

Signhild V. Johannesen og hinir býráðslimirnir í minnilutanum í Klaksvíkar býráð halda, at kommunan av sínum eintingum eigur at seta tiltøk í verk at minka koronusmittuna.

- Klaksvíkar kommuna eigur at verja tey, sum ikki vilja hava smittuna. T.d. tey, sum hava hildið seg inni og burturi frá sosialari samveru, soleiðis at tey ikki noyðast at møta fólki, sum ikki hava hildið frástøðu.

Tað sigur Signhild V. Johannesen, limur í minnilutanum í býráðnum í Klaksvík.

Hon hevur saman við Jógvani Skorheim og Tummasi Lervig sent borgarstjóranum í kommununi áheitan.

Tey halda, at Klaksvíkar kommuna eigur at seta tiltøk í verk at minka um koronusmittuna, hóast landsmyndugleikin ikki ger tað.

Hoyr innslag í útvarpstíðindunum.