Hildið verður fram við byggiætlanini

Hóast mótmælini, so halda ætlanirnar um at byggja nýggju kirkjuna á Argjum fram.

Tað sigur forkvinnan í kirkjuráðnum á Argjum, Sólrun Gleðisheygg.

Kirkjuráðið hevur fingið prinsipielt byggiloyvi frá kommununi, og fyri tveimum vikum síðani var loyvið frá Yvirfriðingarnevndini endurnýggjað. 

Einasta loyvið, sum nú manglar, er endaliga loyvið úr Mentamálaráðnum. 

Tað arbeiðið er farið í gongd, og kirkjuráðið bíðar nú eftir nærri boðum úr Mentamálaráðnum.