Leggur helst frá sær sum formaður

Formaðurin í Danska fólkaflokkinum, Kristian Thulesen Dahl, væntar ikki at halda fram sum formaður eftir vánaliga úrslitið á kommunuvalinum í gjár.

Danski fólkaflokkurin misti 132 kommunustýrislimir samanborið við kommunuvalið í 2017.

Flokkurin misti eisini allar sínar sessir í 19 av 91 kommunustýrum, har flokkurin hevur havt umboðan,  og undirtøkan minkaði umleið fimm prosent.

Verri enn væntað

Kristian Thulesen Dahl ásannaði í gjárkvøldið, at valúrslitið gjørdist verri enn hann væntaði, og tað leggur upp til sjálvrannsakan.

Formaðurin hevur biðið starvsnevndina um at hava fund fund um valúrslitið, og har skal støða eisini takast til, um kallast skal inn til eykalandsfund við formansvali á skránni.

Fyri løtu síðani segði Kristian Thulesen Dahl við danskar miðlar, at tað var rætt, at hann sum formaður tekur ábyrgdina av vánaliga úrslitið á valinum, og at tað er rætt at hann gevst sum formaður.