Miðstovnurin fær bygningin í Kongagøtu

Býráðið í Havn hevur slept ætlanini um at flyta framhaldsdeildina í Sankta Frants skúla í gula bygningin í Kongagøtu.

Bygningurin skal vera partur av dagstovnaøkinum í kommununi, og tað merkir, at Miðstovnurin loksins sleppur at brúka bygningin í Kongagøtu.

Býráðið hevur samtykt at brúka tríggjar milliónir krónur til tillagingar, og klárt verður at flyta inn eftir ársskiftið.

- Vit hava lurtað eftir starvsfólkunum og foreldrunum, sigur Annfinn Brekkstein formaður í mentamálanevndini.

Hoyr innslag í útvarpstíðindunum.