1844 mótmæla staðseting við Sandá

- Hetta er ein staðilig áheitan á Tórshavnar býráð um at finna aðra staðseting til nýggju kirkjuna á Argjum.

Tað sigur Urd Johannesen, ein av stigtakarunum til áhugabólkin "Varðveitið fríøkið við Sandá", sum mánadagin fer at handa Tórshavnarbýráð 1844 undirskriftir frá fólki, sum eru ímóti at staðseta kirkjuna í lendið við Sandá.

Fíggjarnevndin hjá løgtinginum hevur fingið upplýst, at nýggja kirkjan á Argjum fer at kosta stívliga 56 milliónir krónur.

Kirkjuráðið hevur útvegað sín triðing av pengunum, og restin av pengunum skulu stiftsstjórnin og Mentamálaráðið játta.

Hoyr innslag í útvarpstíðindunum.
 

Urd Johannesen

Urd Johannesen er ein av stigtakarunum at savna undirskriftir móti staðsetingini av nýggju kirkjuni á Argum við Sandá.