Dr. Jakobsensgøta er ikki til skrivstovur

Dr. Jakobsensgøta er ikki til skrivstovur
Tí líkist tað ongum, at býráðspolitikarar ganga ímóti byggisamtyktini og kommunalu fyrisitingini og loyva eini skrivstovu inn í gøtuna, siga handilsrekandi, sum mótmæla.
14.12.2021 - 19:32

Dr. Jakobsengøta er ein handilsgøta. Tað stendur í serstøku byggisamtyktini hjá Tórshavnar Kommunu fyri økið. 

Men líkt er til, at tað broytist. Eitt felag hevur keypt Skálabúðina, og ætlanin er, at Familjufyrisitingin skal flyta inn á niðastu hædd. Og tað dámar grannunum onki. 

-Dr. Jakobsensgøta í Havn skal varðveitast sum handilsgøta. Tí líkist tað ongum, at býráðspolitikarar ganga ímóti byggisamtyktini og kommunalu fyrisitingini og loyva eini skrivstovu inn í gøtuna. Tað siga handilsrekandi, sum mótmæla harðliga.

Hóast tekniski stjórin og leiðarin á byggi- og umhvørvisdeildini í Tórshavnar Kommunu mæltu frá tí, samtykti ein meiriluti í byggi- & býarskipanarnevndini (Tróndur Sigurðsson, Annfinn Brekkstein, Kári Johansen) 4. oktober, at geva fyribils loyvi í 3 ár.

Eftir grannahoyring varð greitt, at vinnurekandi í gøtuni eru harðliga ímóti. 

6. desember skrivar Heðin Mortensen soleiðis í telduposti til Trónd Sigurðsson, formann í byggi- og býarskipanarnevndini: 

"Hetta má als ikki henda, at vit ganga burtur frá okkara egnu samtyktum, um at veghæddin skal brúkast til nakað útatvent virksemi. Familju umsitingin hjá landinum er eitt sera lukka land við svørtum gardinum."

Nú er málið tikið upp aftur, og skuldi í dag aftur viðgerast í byggi- og býarskipanarnevndini. Men vegna forfall er fundurin útsettur til í morgin. 

 

 
Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565