Annika og Johan í bíðistøðu

Tveir av lyklapersónunum í málinum um sammóðir standa og bíða eftir at tingfundurin skal byrja. 

Johan Dahl og onnur tingfólk í Sambandflokkinum sleppa nú at atkvøða frítt eftir egnari sannføring í málinum, segði løgmaður í útvarpstíðindunum á middegi. 

Annika Olsen í Fólkaflokkinum, sum atkvøddi við andstøðuni til 2. viðgerð, verður nú skumpað úr løgtinginum, tí bæði Jacob Vestergaard og Elsebeth Mercedis Gunnleysdóttir hava sagt landsstýrissessirnar í fiskivinnu- og almannamálum frá sær og taka aftur sæti í løgtinginum. 

Hetta gera tey í eini roynd at fella uppskotini um sammóður og at bjarga samgonguni.