Lata nú miðlastuðul til verkætlanir

Nú skal miðlastuðulin latast til verkætlanir.

Kunngerðin um tað er lýst og komin í gildi

Stuðulin kann latast til greinarøð, heimildarsending, poddvarp og annað tílíkt.

Verkætlanir skulu í minsta lagi verða mettar til 80 tímar og í mesta lagi til 1800 tímar. 

Talan kann, sambært kunngerðini, vera um bæði einstaklingsavrik og toymisarbeiði og um loftborið og skrivað tilfar. 

Journalistisk eyðkenni

Tá umsóknir um stuðul verða viðgjørdar, verða journalistisk eyðkenni at galda sum metingarstøði. 

Mett verður um journalistiska dygd og samfelagsligt virði við støði í upplýsingum, sum umsøkjari letur Miðlastuðulsnevndini.

Miðlastuðulsnevndin kann útvega sær hjálp frá serkønum í journalistikki, tá hon viðger umsóknirnar, stendur í kunngerðini. 

Í fíggjarlógini fyri 2022 eru tvær milliónir krónur til miðlastuðul.