Einki ítøkiligt komið burturúr

Klokkan 10 fyrrapartin byrjaði semingsroyndin í sáttmálatrætuni millum Starvsfelagið, Lønardeildina hjá Fíggjarmálaráðnum og Kommunala arbeiðsgevarafelagið.

Semingsmaðurin Terje Sigurðsson sigur, at partarnar hava prátað saman í dag.

Annars er einki ítøkiligt komið burturúr.

Hann roknar við, at semingsroyndin heldur fram út á kvøldið, og annars hittast partarnir aftur í morgin.

Semingsroyndin er á Hotel Brandan í Havn.

Ætlanin var annars at fara undir semingsroyndina 7. desember, men korona útsetti tað.

Sáttmálarnir fóru úr gildi 1. oktober í fjør.