Formaðurin í ES-tinginum deyður

Formaðurin í ES-tinginum, David Sassoli, er deyður, 65 ára gamal.

Italski David Sassoli varð innlagdur á sjúkrahús í Italia 26. desember, tí hann hevði álvarsligar trupulleikar við immunverjuni.

Sassoli var eisini innlagdur í fleiri vikur í september við lungnabruna, og í oktober varð hann aftur sjúkrameldaður.

David Sassoli bleiv formaður í ES-tinginum í juli 2019.

Formansskeiðið hjá honum skuldi enda í næstu viku, og tað varð ikki væntað, at hann fór at stilla upp til eitt skeið afturat.

Nýggjur formaður verður valdur í næstu viku.