Vága floghavn skal útbyggjast til at kunna taka eina millión ferðafólk

Nú skal vera nóg mikið við at standa kroyst saman í bæði farstøðini og viðførisrúminum á Vága floghavn.

Vága floghavn arbeiðir við einari ætlan at útbyggja farstøðina, sum hon kann klára at taka ímóti einari millión ferðafólkum um árið.

Vága floghavn, flogvøllurin, FAE, ferðavinna, flogvinna, Atlantic Airways, Atlantsflog

Útbyggingin skal brynja Vága Floghavn til framtíðina, nú ferðafóklatalið aftur byrjar at líkjast tí, sum tað var áðrenn Covid-19 farsótti fór at herja, sigur Regin I. Jakobsen, stjóri.  

Tríggjar ferðir so stór

"Farstøðin var í grundini ov lítil longu tá hon stóð liðug, tí hon varð bygd til væl smærri flogfør, meðan tey nýggju flogførini eru nærmast dupult so stór."

Atlantic Airways, William Heinesen, flogvøllurin, Vága floghavn, flogferðsla, flúgvari, ferðafólk,

Støddin á farstøðini, tá hon stendur liðug, skal vera tríggjar til fýra ferðir tað, hon er í dag.

"Tað sigur seg sjálvt, at teir 3000 fermetrarnir, sum vit hava í dag, eru ov lítið til 400.000 ferðafólk. Skulu vit kunna taka ímóti einari millión ferðafólkum, so kunnu fólk bara ganga støddina upp, og tað er tvær og eina hálva ferð so nógvir ferðmetrar, ið skulu til," staðfestir Regin I. Jakobsen, stjóri. 

Flogvøllurin, Vága floghavn, Atlantic Airways, korona, ferðafólk, løgreglan, heilsustarvsfólk,covid-19, ferðagóðs

Útbyggja viðførisrúmið

Fyrsta stigið er at útbyggja viðførisrúmið, sum skal vera dupult so stórt sum tað er í dag. 

Stóra útbyggingin skal fíggjast við láni, sigur stjórin, sum ikki ætlar at hækka flogvallargjaldi, hóast stóru útbyggingina. 

Vága floghavn, ferðafólk, flogvøllurin, ferðafólk á flogvøllinum