Kim Engstrøm skal venja HB næstu trý árini

So er tað greitt, at tað verður nú fyrrverandi U19-venjarin hjá danska felagnum OB, Kim Engstrøm, sum skal venja HB næstu trý árini. 

Kim Engstrøm er 42 ára gamal og hevur UEFA Pro Licence-venjaraútbúgvingina, sum er hægsta fótbóltsútbúgving, ið tú kanst nema tær.

Síðani 2016 hevur Kim Engstrøm verið venjari hjá U19-liðnum hjá OB, sum hann vann danska meistaraheitið við í 2020.

"Eg síggi hetta sum eitt stórt stig fyri meg í míni venjarayrkisleið. Eg gleði meg at sleppa í gongd. Hetta er ein stórur og spennandi møguleiki fyri meg. Eg komi til avgjørt størsta og søguríkasta felagið í Føroyum, sum hvørt ár spælir um meistaraheitið. Hartil er talan um eitt felag, sum javnan spælir í Evropa. Í summar skulu vit spæla í UEFA Conference League," sigur Kim Engstrøm við heimasíðuna hjá OB.

.