Nato hevur aftur fund um Ukraina

Nato fer aftur í dag hava fund við Russland.

Fundurin verður í Brússel, og á fundinum vera sendifólkini hjá Nato, og Sergej Riabkov og Wendy Sherman, sum eru varauttanríðisráðharrar hjá ávikavist Russlandi og USA.

Fundurin í dag verður tveir dagar eftir, at embætisfólk hjá Russlandi og USA hittust í Geneve.

Støðan er spent

Støðan millum vesturheimin og Russland hevur verið spent seinastu tíðina, og fleiri lond hava kært Russland fyri at dubba seg við markið millum Russland og Ukraina.

Ukraina stúrir fyri, at Russland fer at gera innrás í eystara parti av Ukraina, har loysingarfólk við stuðli úr Russlandi hava stríðst móti ukrainskum herdeildum, síðani Russland hertók Krim-hálvoynna í 2014.

Russland hevur tó víst aftur, at ætlanin er at gera innrás í Ukraina.