Innflutningurin vaksin við 12,3 prosentum

Innflutningurin hjá Føroyum vaks nógv í fjør. 

Til 1.desember var innflutt fyri 8,4 milliardir krónur, 12,3 prosent meira enn í 2020.

Oljuprísurin er hækkaður nógv, og hetta sæst eisini aftur í innflutningstølunum, sum Hagstovan kunngjørdi í gjár.

Hóast á leið sama nøgd er innflutt, brúktu vit 43 prosent fleiri krónur til brennievni í 2021 samanborið við 2020.

Eisini er stórur vøkstur í bólkinum, sum eitur rávøra til fiskavirking. Har er vøksturin næstan 50 prosent.