Pota fyri koronu í Sundalagnum

Sunda kommuna, Eiðis kommunu og Landssjúkrahúsið fara nú at skipa eina potistøð í Eydnuni á Oyrarbakka.

Potað verður hvønn týsdag og hósdag í tríggjar vikur. Byrjað verður týsdagin 25. januar.

Kommunurnar skipa kanningartoymið og taka sær at tí praktiska, meðan Landssjúkrahúsið letur kanningarútgerð og greinar royndirnar.

Kanningarnar eru ókeypis, men neyðugt er at bíleggja tíð á korona.fo. 

Kommunurnar siga, at tilboðið er serliga ætlað borgarum í Sunda- og Eiðis kommunum.