Ætlaði at leggja hald á val-automatir

Tað skrivar Politico.

Kladdan er skrivað fáa vikur eftir at hann tapti valið, og amerikanska skjalasavnið hevur almannakunngjørt tað í sambandi við, at álopið á kongress-bygningin fyri einum ári síðani verður kannað.

Skjalið vísir víðgongdu tiltøkini, sum Trump ætlaði at fremja fyri at varðveita valdið - ímóti viljanum hjá meirilutanum av fólkinum, skrivar Politico.

Kladda til harraboð

Politikk-netssíðan, Politico, hevur fingið atgongd til eitt skjal - eina kladdu til eini harraboð, sum verður nevnd "Remarks on National Healing". Kladdan er dagfest 16. desember 2020 og mælir til at stovna eitt ráð, sum skal reisa ákæru fyri allar ákærurnar um svik, sum koma tá hald er lagt á valautomatirnar. 

- Verjumálaráðharrin skal í stundini leggja hald á, savna saman, hava í varðveitslu og greina allar maskinur, útgerð, upplýsingar og skjøl, sum eru goymd elektroniskt - stendur í kladduni, sum er tríggjar síður.

Men kladdan varð ongantíð undirskrivað. Skjalið er eitt av 750 skjølum, sum nevndin, ið kannar álopið á Kongressina 6. januar í fjør, hevur fingið.