- Tíðindi, mentan og ítróttur
- Tað hevði ikki riggað, um eg royndi at tosa føroyskt í Trom
Í bókunum hjá Jógvani Isaksen er høvuðleikarin Hannis Martinsson føroyingur og tosar føroyskt.
Í filmsrøðiniTrom, sum byggir á somu bøkur, er sami leiklutur hálvur danskari og tosar danskt.
Orsøkin er fyrst og fremst Ulrich Thomsen, sum spælir høvuðsleiklutin.
- Eg skuldi upprunaliga tosa føroyskt. Men Føroyskt er torført at læra. Tú hevði hoyrt beinanvegin, at eg ikki eri føroyingur, sigur Ulrich Thomsen.
Ístaðin hava tey verið kreativ.
Hannis Martinsson er vorðin hálvur danskari, er rýmdur úr Føroyum og skal hava búð í Danmark meginpartin av lívinum, og noktar at tosa føroyskt, nú hann kemur aftur.
Ulrich Thomsen er væl nøgdur við loysnina. Og hann er væl nøgdur við leiklutin, sum tó er lagdur í eina fasta rammu, sum leiklutir í slíkum krimi-røðum ofta eru.
Danski sjónleikarin treivst væl í Føroyum mánaðirnar, ið upptøkurnar fóru fram; og hann vónar at vera við, tá/um nýggir partar av Trom verða framleiddir.
