Heilsuhjálparar og KAF hava sent boð eftir Semingsstovninum

Heilsuhjálparafelagið og Kommunala arbeiðsgevarafelagið, KAF, hava sent boð eftir Semingsstovninum at gera eina roynd at loysa sáttmálatrætuna millum partarnar.

Heilsuhjálparafelagið sigur á síni heimasíðu, at samráðingarnar bóru ikki á mál, og tí vóru báðir partar samdir um at senda boð eftir Semingsstovninum.

Heilsuhjálparafelagið sigur, at felagið fór til samráðingarborðið við tí máli at loysa tær stóru avbjóðingar, ið heilsuhjálparayrkið og føroyska samfelagið hava, við alsamt vaksandi starvsfólkatroti á økinum.