Ukraina: Diplomatiskt trýst forðar fyri innrás

- Diplomatiskt trýst úr Evropa hevur higartil forðað fyri einari russiskari innrás í Ukraina.

Tað ukrainski uttanríkisráðharrin, Dmytro Kuleba.

Hann sigur, at hóast støðan er spent, er tamarhald á henni, og at diplomatisku royndirnar halda fram, til tess at linka pentu støðuna.

Uttanríkisráðharrin sigur haraftrat sambært NTB, at aftursvarið frá evropeisku londunum til støðuna á markinum millum Ukraina og Russland verður avgerandi fyri trygdina í evropeisku londunum í framtíðini.

Orðini hjá ukrainska uttanríkisráðharranum koma í kjalarvørrinum av, at franski forsetin, Emmanuel Macron, fyrr í vikuni var í Moskva, har hann hitti russiska forsetan, Vladimir Putin, um støðuna millum Ukraina og Russland. Eftir hetta fór Macron víðari til Ukraina, har hann hitti forsetan har, Vlodomyr Zelenskyj.