Frítekst tagging:
- Tíðindi, mentan og ítróttur
Danmark fer nú í eitt tættari verjusamstarv við USA
10.02.2022 - 14:22
Útheimurin
Danmark fer nú í eitt tættari verjusamstarv við USA
Nýggja avtalan millum Danmark og USA gevur USA betri møguleikar at vera til staðar í Evropa, sigur danski forsætismálaráðharrin
Á tíðindafundinum luttóku Jeppe Kofoed, uttanríkismálaráðharri, Mette Frederiksen, forsætismálaráðharri, og Morten Bødskov, verjumálaráðharri
Mynd: Ritzau / Scanpix
Nýggja avtalan skal geva USA betri møguleikar at vera til staðar í Evropa, segði Mette Fredriksen, danskur forsætismálaráðharri, á tíðindafundi seinnapartin.
Avtalan er ikki endalig enn, men kann koma at merkja, at amerikonsk herfólk, og hernaðarútgerð koma til Danmarkar.
Nýggi verjumálaráðharrin, Morten Bodskov segði tó, at tað ikki var ætlanin, at tað skuldu vera amerikanskir hernaðarbasar í Danmark. Verjuavtalan fer at líkjast teimum, sum eru gjørdar við onnur lond síðstu árini, segði hann
Avtalan verður tó ikki galdandi fyr restina av ríkisfelagskapinum.
Mette Fredriksen legði dent á, at avtalan og samráðingar við USA hevur verið leingi ávegis, og hevur tí ikki samband við spenning millum Russland og Ukraina og NATO-londini í løtuni.
Er kopiera
Sí eisini
Nýggjastu sendingar í ÚV
Nýggjastu sendingar í SV
