Jørgen Niclasen fegnast við fyrivarni

Jørgen Niclasen (A), formaður í uttanlandsnevndini hjá Løgtinginum og fyrrverandi landsstýrismaður í uttanríkismálum, hevur gáað eftir, at amerikanski forsetin Donald Trump ikki sigur tað sama um innihaldið í nýggju trygdarpolitisku avtaluni um Grønland sum Jens-Frederik Nielsen, formaður í grønlendska landsstýrinum, Naalakkersuisut, og Mette Frederiksen, danska forsætismálafrúan.

Tað, sum Donald Trump sigur, kann fatast soleiðis, at grønlendski sjálvsavgerðarrætturin verður skerdur, heldur Jørgen Niclasen.

Men avtalan er eitt stórt frambrot, um tað er tulkingin hjá Jens-Frederik Nielsen og Mette Frederiksen, sum er galdandi, tí so er  sjálvsavgerðarrætturin óskalaður, staðfestir hann.