Bakkafrost fær nýtt virki á Glyvrum

Bakkafrost fær nýtt virki á Glyvrum
Bakkafrost boðar í morgun frá stórum broytingum í virkseminum
Bakkafrost fer at gera íløgur fyri eina milliard
 
08.07.2013 - 12:15

Framleiðslan á Bakkafrost verður nú savnað í einum nýggjum virki á Glyvrum. Tað fer at betra kappingarførið hjá fyritøkuni við 50 til 70 milliónum krónum.

Í dag ger Bakkafrost kassar á Argjum og á Glyvrum. Laksur verður kruvdur í Kollafirði, á Strondum og í Klaksvík, og lidnar vørur verða gjørdar í Fuglafirði og á Glyvrum.

Nú skal alt hetta gerast á Glyvrum. Ætlanin er ikki at siga starvsfólk úr starvi, boðar Bakkafrost frá.

Íløgur fyri eina milliard

Bakkafrost hevur ætlanir um at brúka eina góða milliard krónur til íløgur næstu fimm árini, boðar felagið frá í morgun. Ætlanin er millum annað at lata byggja ein brunnbát, sum lastar 450 tons av livandi laksi.

Báturin skal vera liðugur í 2015. Íløgurnar verða fíggjaður við peningi frá rakstrinum, tøkari fígging hjá felagnum og møguliga partvís nýggjari fígging.

Regin Jacobsen, stjóri í Bakkafrosti, sigur, at skal Bakkafrost í framtíðini standa seg í kappingini og varðveita arbeiðspláss í Føroyum, er neyðugt at gera tillagingar, sum betra kappingarførið.

Hetta verður gjørt við effektiviseringum, nýggjari útgerð og tøkni og færri og størri rakstrarstøðum, kunnger Bakkafrost í morgun.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486