50 milliónir fleiri í lønum í januar

Slakar 820 milliónir krónur vóru goldnar í lønum í Føroyum í januar.

Tað eru nærum 50 milliónir, 6,2 prosent, meira enn í januar í fjør.

Og yvir 400 fleiri fólk høvdu arbeiði í Føroyum í januar í ár enn í januar í fjør.

Tey vóru 26.800 í januar ár, 1,2 prosent fleiri enn í fjør.

Talan er um 13.600 menn og 13.200 kvinnur, 200 fleiri menn og 200 fleiri kvinnur enn í januar í fjør.

Menn fáa meira

Menninir fingu 485 milliónir í løn í januar og kvinnurnar 332 milliónir krónur.

Menn fáa meira í løn enn kvinnur.

Í januar vóru 50,8 prosent av løntakaraskaranum menn og 49,2 prosent kvinnur.

Tá talan er um lønina, er munurin millum kynini størri, 59 prosent eiga menn.