![](https://kringvarp.fo/sites/default/files/styles/myndasavn-width/public/jenis_orginal.jpg?itok=YyElr_be)
- Tíðindi, mentan og ítróttur
Radaramálið er evnið í víðkaðari Degi og viku
![](https://kvf.fo/sites/default/files/styles/grein-ovasta-mynd/public/kuplarnir_a_sornfelli-10.jpg?itok=AeVjaowF)
Jenis av Rana, landsstýrismaður í uttanríkismálum, situr í løtuni og skrivar svar til donsku stjórnina, sum ætlar at byggja radaran á Sornfellil.
Málið hevur fingið drúgva viðgerð í uttanlandsnevndini og nógva politiska miðlaumrøðu.
Í kvøld fer Dagur og vika at viðgera málið eitt sindur øðrvísi.
Tað eru danir, ið vilja byggja radaran eftir ynski frá NATO.
Tí hava vit valt at lýsa málið við støði í donskum serfrøðingakeldum:
Anders Fogh Rasmussen er fyrrverandi NATO aðalskrivari frá 2009 til 2014 og var forsætisráðharri í Danmark frá 2001 til 2009. Nú hevur hann ráðgevingarfyritøkuna Rasmussenglobal, sum milllum annað ráðgevir ukreinsku stjórnini í aktuellu kreppuni við Russland.
Peter Viggo Jakobsen er lektari á danska forsvarsakademinum og professari á Synddansk Univeristet. Stategi og verja eru hansara serøki. Hann er eisini rithøvundur og luttekur nógv í almenna kjakinum.
Lise Wiederholt Christensen er verjuserfrøðingur á lærda háskúlanum í Keypmannahavn og hevur skrivað fleiri ritgerðir um framtíðina hjá NATO.
Hans Peter Michaelsen er sjálvstøðugur verjuserfrøðingur og fyrrverandi verjuserfrøðingur á lærda háskúlanum í Keypmannahavn. Hann hevur 41 ára royndir í danska herinum, harímillum á gomlu radarstøðini á Sornfellil.
Í sjónvarpsstovuni vera:
Brynhild Thomsen, journalistur og viðmerkjari.
Heini í Skorini, lektari á Fróðskaparsetri Føroya og PhD í altjóða politikki.