Føroyar vunnið gull í borðtennis

Í blandaðum tvímansleiki vunnu Henrietta Nielsen og Hallur Thorsteinsson 4-1 á einum pari úr Jútlandi.

Borðtennis er ikki við sum ítrótt á oyggjaleikunum á Bermuda. Tískil hevur verið skipað fyri alternativum oyggjaleikum í borðtennis í Íslandi.

Íslendska A-landsliðið

Íslendska A-landsliðið hjá monnum vann kappingina Arctic Table Tennis Championship. Føroyar gjørdust nummar 2, eitt úrvalslið úr Jútlandi varð nummar 3, og Grønland gjørdist nummar 4.

Føroysku kvinnurnar gjørdust nummar 4 í liðkappingini. Á liðnum vóru umframt Henriettu Nielsen, sum spælir í danska felagnum SISU-MBK, eisini Anna Mikkjalsdóttir úr TBF og Durita Jensen úr TÓR.

Á A-landsliðnum hjá monnum, ið vann silvur, vóru Hallur Thorsteinsson, Pætur Albinus og Peter Niclasen, allir úr TÓR.

Kapping var eisini fyri leikarar U-12, og har vann Hanus Sørensen úr TÓR silvur.

Eftir ætlan verður kappingin Arctic Table Tennis Championship hildin í Føroyum næsta ár.