Tjúgu føroyskir rógvarar við í Nordic Open

Tjúgu føroyskir rógvarar vera við í Nordic Open í inniróðri, sum verður um vikuskiftið, skrivar Róðrarsambandið.

Fleiri av hesum hava í vetur róð í fleiri altjóða kappingum - millum annað bretsku, kanadisku, donsku og skotsku meistaraheitunum - og hava vunnið nógv heiðursmerki.

Í heimsmeistaraheitunum í inniróðri fyri kortum vóru sjey føroyingar við, og tríggir av teimum eru nú HM-vinnarar.   

Luttøkan hjá føroyskum rógvarum í altjóða kappingum er vaksandi, og úrslitini eru sum heild góð. 

Millum tey, sum vera við hesa ferð, eru fleirfaldi heimsmeistarin, Sarita Kristina Hansen, og nýklæktu føroyameistararnir, Kristina Roest og Vár Guriardóttir Hansen (U23).