ES vil hava føroyingar til samráðingarborðið sum skjótast

Tað ger Maria Damanaki, fiskivinnukommiserur, greitt í brævi, sum varð sent Jacobi Vestergaard, landsstýrismanni í fiskivinnumálum, í gjár, og sum Kringvarpið hevur fingið innlit í.

Annars er lítið nýtt at frætta í brævinum.

Jacob Vestergaard hevur gjørt greitt, at tey 17 prosentini, sum Føroyar hava ásett sær í ár, verða grundarlag fyri samráðingum, sum Føroyar kunnu vera nøgdar við. Í stutta brævinum svarar Damanaki, at ES er sinnað at samráðast skjótast tilber.

Føroyska sildakvotan í ár er 17 prosent av tí, sum fiskifrøðingar halda er ráðiligt at fiska í ár. Hini londini siga, at Føroyar eiga 5,2 prosent.