Níggju ár í fongsli aftrat

Russiski andstøðuleiðarin,  Aleksej Navalnyj, er dømdur níggju ára fongsulsrevsing í einum máli, har hann var ákærdur fyri svik og fyri at hava vanvirt rættin.

Tað skrivar tíðindastovan, Reuters.

45 ára gamli andstøðuleiðarin situr frammanundan ein dóm í eini fangalegu eystan fyri Moskva. Hesin dómurin er hálvt triðja ára fongsul.

Heldur fram við atfinningunum

Navalnij sigur, at ákærurnar eru ein roynd at fáa seg at tiga. Eisini nýggju ákærurnar hava politisk motiv, sigur hann.

Men fongsulsdómurin fær ikki Navalnij at gevast við at finnast at stýrinum hjá Putin, forseta.

- Er fongsul prísurin fyri mannarættin hjá mær at siga tað, sum eg eri noyddur at siga, so kunnu teir fara eftir eini fongsulsrevsing upp á 113 ár. Eg taki ikki orð míni og gerðir aftur, skrivaði hann á Instagram fyrr í hesum mánaðinum.