Flogbóltur: Vunnu 3-0 á Grønlandi

Tað var ongantíð nakar ivi um, hvar sigurin fór. Føroysku kvinnurnar vóru munandi sterkari enn tær Grønlandi, sum annars hava givið Føroyum mótstøðu á øðrum Oyggjaleikum.

Føroyar vunnu greiðan 3-0 sigur. Settúrslitini vóru 25-8, 25-16 og 25-10.

Karina Debes segði aftan á dystin, at hon var sera nøgd við føroyska avrikið. Hon fegnaðist um tað góða spælið, tí undan dystinum høvdu tær fitt av nervum.

- Vit høvdu eina venjing í gjár har als einki riggaði. Tí er tað fantastiskt, at alt riggar tá tað skal rigga, segði Karina Debes aftan á dystin.