Ódámligt at stjala hummarar

- Hetta er sera ódámligt.

Tað sigur næstformaðurin í Hummarafelagnum, Christian Christiansen, sum er ein av fleiri hummarafiskarum, sum hevur illgruna um, at onkur stjelur úr teirra hummararúsum.

Seinastu tíðina hevur onkur gjørt seg inn á hummararúsurnar hjá honum og øðrum vinnuligum hummarafiskarum.

Hjá í minsta lagi trimum hummarafiskarum eru rúsur drignar, tømdar og síðan settar aftur.

Hummarar, Hummara

Frítekst tagging: 

hummarar

Hummara

Ymiskt hvussu leingi strekkini standa

Christian Christiansen hevur tilsamans 21 strekkir, sum standa frá Flesjunum norður til Hósvíkar.

Tað er ymiskt, hvussu leingi hummarafiskararnir lata strekkini standa.

Hjá Christiani Christiansen plaga tey at standa úr tíggju upp í 14 dagar.

Hummari

Frítekst tagging: 

hummari

Tá hann fór at draga tað eina strekkið, fyri tveimum vikum síðan, varnaðist hann, at okkurt var á vási.

Tað var ikki, fyrr enn hann kom í prát við annan hummarafiskara, at illgrunin um stuldur varð staðfestur:

Onkur stjelur hummarar úr rúsunum.